Forsíða
Fréttir
Um skólann
Nemendur
Starfsfólk
Myndir
Tenglar
Verkefni
Foreldrar
Comenius
Skóladagatal
Skóladagatal´05-06

 


--

 

Þemadagar hjá unglingum

Þemadögum hjá unglingum er nýlokið.  Tókust dagarnir mjög vel og hápunkturinn var síðan árshátíð.  Þjóðhátíð í Vestmannaeyjum var meginþemað og var unglingaálman máluð og skreytt viðeigandi.  Frábærir dagar með frábærum krökkum.  Á myndinni hér til hliðar má sjá 10. bekk við borðhaldið.

Smelltu hér til að sjá myndir frá þemadögum

og hér til að sjá myndir frá árshátíðinni.


Söngur og þemadagar hjá unglingum

Söngur á sal var miðvikudaginn 14. feb.  Krakkarnir sungu ásamt Jarli og öðrum kennurum þjóðhátíðarsöngva enda eru þemadagar á næsta leiti með Þjóðhátíð í fyrirrúmi.  Á morgun fimmtudag byrja svo þemadagar.  Krakkarnir eru búnir að velja sér hópa sem verða svo starfræktir næstu 4 virka daga.  Þetta eru hópar eins og kvikmyndahópur, tónlistarhópur, fjölmiðlahópur, skreytingahópur, matarhópur og hefðir og venjur.  Allt unglingastarf skólans verður undirlagt þessa daga sem endar síðan með stórkostlegri árshátíð þriðjudaginn 20. feb. 

Myndin hér til hliðar er tekin á söngstund.

Niðurstöður samræmdra prófa í Grunnskóla Vestmannaeyja bárust um miðjan desember. 

 4. bekkur:

Meðaleinkunn skólans í stærðfræði      6.9
Suðurland                                             6.4
Landsmeðaltal                                      6.7
Meðaleinkunn skólans í íslensku          6.3
Suðurland                                             6.4
Landsmeðaltal                                      6.7

 7. bekk eru nemendur í góðri framför frá 4. bekk. 

 63 nemendur tóku próf í íslensku  í 7. bekk.  Af þeim eru 43 nemendur sem sýna framför í meðallagi frá 4. bekk en 9 sýna umtalsverða eða meiri framför en almennt gerist hjá jafnöldrum.

7. bekkur:

Meðaleinkunn skólans í stærðfræði      7.7
Suðurland                                             7.0
Landsmeðaltal                                      7.3
Meðaleinkunn skólans í íslensku          7.2
Suðurland                                             6.7
Landsmeðaltal                                      7.0

68 nemendur tóku próf í stærðfræði  í 7. bekk. Af þeim eru 44 nemendur sem sýna framför í meðallagi frá 4. bekk en 16 nemendur sýna meiri framför eða umtalsverða en almennt gerist hjá jafnöldrum.

 Til hamingju með þetta nemendur, foreldrar og kennarar !

Söngstund hjá yngsta og miðstigi

Fyrsta söngstund ársins var í dag föstudaginn 9. febrúar og  heppnaðist hún glimrandi vel.  Í þetta sinn voru sungin lög sem eru tileinkuð þorranum eins og t.d. Þorraþræll, Nú er úti norðanvindur.  Hér má sjá nemendur í 5. bekk skemmta sér konunglega en þau tóku mikinn þátt í söngnum eins og sést hér til hliðar. 

Fleiri myndir má sjá hér af 5. bekk.

 

Fjör í sleðaferð hjá 1. bekk

Fjör í snjónum !

Krakkarnir hafa verið  mjög glöð með allan snjóinn og góða veðrið undanfarið.  Þau hafa verið mjög dugleg að leika sér í honum.  Föstudaginn 19. janúar fór 1. Þ.G. í sleðaferð ásamt Þóru og Ólu Heiðu niður á Þórsvöll.  Skemmtu þau sér konunglega á þotum, stýrissleðum og plastpokum. 

Fleiri myndir eru hér frá þessari skemmtilegu ferð.

 

Fjöltefli í Hamarsskóla

Föstudaginn 19. janúar tefldi Helgi Ólafsson stórmeistari fjöltefli við nemendur Grunnskóla Vestmannaeyja.  Fjölteflið byrjaði í Hamarsskóla kl. 08:00 og stóð til kl. 10:00  þá hafði Helgi teflt við um 50 nemendur bæði stelpur og stráka. Helgi vann allar skákirnar en nemendur stóðu sig frábærlega.  Var þetta skemmtileg tilbreyting í skólastarfið. 

Hér sjást nemendur  og Helgi Ólafsson djúpt hugsi.

Smelltu hér til að sjá fleiri myndir frá mótinu.

 

Annarlok og próf í janúar

Nú er skólinn hafinn að nýju eftir gott jólafrí.  Miðvikudaginn 17. janúar er starfsdagur hjá kennurum og eiga nemendur frí þann dag.  Nemendur mæta annars í skólann samkvæmt stundaskrá.  Mánudaginn 22. janúar hefst ný önn en þá verða foreldraviðtöl og afhending einkunna.  Þá mæta nemendur með sínum foreldrum á fund skv. samráði við kennara.  Annarpróf verða í þessari viku og næstu og fá nemendur blað með sér heim frá sínum kennara með nánari útlistun.

Prófadagar á unglingastigi

Enska 11. janúar
Danska 12. janúar
Íslenska 15. janúar
Stærðfræði 16. janúar                      Aðrir kennarar setja sín próf inn í töflu
                                                            Kennt verður frá klukkan 8.00 og þar til prófatími hefst. Einnig verður kennt eftir hádegi.

  

Óvænt heimsókn

Gunnar Karl í 7.SF fékk óvænta heimsókn í morgun þegar Jónsi í hljómsveitinni Í svörtum fötum kom ásamt myndatökumanni frá Stöð 2. Gunnar Karl vissi ekkert um heimsóknina og varð að vonum mjög hissa og glaður.  Jónsi kom eingöngu til að eyða deginum með Gunnari Karli og fengum við hin ekkert að vita meira um þeirra áform. Frábært framtak og vonum við að dagurinn þeirra verði eftirminnilegur.
 

Á myndinni hér til hliðar sést Gunnar Karl ásamt Jónsa og Svanhvíti kennara.
 

Jólasundmót Grunnskólans í Vestmannaeyjum

Í dag var hið árlega jólasundmót Grunnskóla Vestmannaeyja og  er það  í 30. skiptið sem það er haldið.  Af þessu tilefni voru keyptir nýir bikarar sem keppt var um í dag.

Eins og venjulega var byrjað á kertasundi  allir keppendur syntu með kerti og  á meðan var Heims um ból spilað.  Eftir það fór fram keppni á milli nemenda í 5. og 6. bekk í skrið- og bringusundi í lokin fór fram  keppni í boðsundi milli bekkja og milli starfsfólks Barna- og Hamarsskóla.  Sigurvegarar í boðsundinu voru  5. Þ.S. og  6. I.Þ og  eru þeir báðir úr  Barnaskólanum en lið starfsfólks í Hamarsskóla vann boðsunds starfsfólks. Þetta er skemmtilegur siður þar sem starfsfólk og nemendur höfðu gaman saman.  Hér eru fleiri skemmtilegar myndir

 

Jólaföndurdagur Hamarsskóla

 

 

Jólaföndurdagurinn tókst frábærlega vel. Nemendur og starfsfólk tóku morguninn í að föndra alls konar skemmtilegt og fallegt jóladót. Jólalögin ómuðu úr hverri stofu og allir voru í dásamlegu jólaskapi. Smelltu hér til að sjá nokkrar myndir frá deginum. Og fleiri myndir.

 

Jólakveðja frá starfsfólki

 

1. des. ball hjá unglingum

Fimmtudaginn 7. des. var haldið 1. des. ball hjá 8.-10. bekkjum Grunnskólans í Vestmannaeyjum.  Tókst ballið með eindæmum vel og voru unglingarnir til mikillar fyrirmyndar á ballinu.  Við getum verið stolt af börnunum okkar.  Hamarskóla krakkarnir unnu spurningakeppnina eftir drengilega keppni við Barnaskóla nemendur.  Verðlaunaafhending var fyrir stuttmyndasamkeppnina og voru dómarar ekki öfundsverðir því myndirnar voru hreint út sagt frábærar og nemendum sem tóku þátt til mikils sóma.  Síðan voru flott tónlistaratriði og greinilegt að Vestmannaeyjar verða ekki á flæðiskeri hvað varðar listamenn í framtíðinni.  Að lokum var dansað dátt til enda ballsins.

7. bekkur í heimsókn til Vinnslustöðvarinnar

Árleg heimsókn var hjá 7. bekk á dögunum í Vinnslustöðina.  Þar fóru nemendur í útsýnistúr um stöðina og fengu góðar lýsingar á starfseminni þar að lokum var svo öllum boðið í mikla pizzuveislu.  Þökkum við fyrir góðar viðtökur að vanda.

Söngstund á sal 1. des.

Föstudaginn 1. des. var söngur á sal.  Jarl tónmenntakennari leiddi fjöldasöng og var sungið af hjartans lyst.  Frábær stemning var bæði hjá krökkunum og kennurum.  Voru tekin nokkur Eyjalög ásamt laginu Traustur vinur en var það lag valið sérstaklega vegna vinaviku Hamarsskóla.  Smellið hér til að sjá fleiri myndir.

 

 Tónlist fyrir alla var haldið á dögunum í Hamarsskóla.  Hljómsveitin Hundur í óskilum kom og spilaði og söng fyrir alla nemendur skólans.  Var þetta skemmtileg tilbreyting og voru nemendur vel með á nótunum.
Krakkarnir í Hamarsskóla hafa ákveðið að leggja sitt af mörkum til að hafa umhverfi skólans sem fallegast.  Bekkirnir hafa nú skipt á sig vikur til að fara út og tína rusl.  Hér sjáum við hressa krakka úr 2. bekk ganga öflug til verks.
Vinavikan gekk frábærlega vel.  Urðum reyndar að fresta vinukeðjunni fram á þriðjudag vegna veðurs en það kemur ekki að sök.  Krakkarnir hafa komið með flotta hatta, hárkollur, höfuðföt, í furðufötum og rauðu.  Mikil stemning og mjög gaman.  Smelltu hér til að sjá nokkrar myndir frá þessum dögum.
Fyrsti dagur vinaviku byrjaði mjög vel.  Krakkarnir komu með minjagripi og sögðu skólafélögum sínum frá minningum tengdum þeim. 

 Á myndinni hér til hliðar má sjá nemendur í 2.G.Snæ með gripina sína.

 
Krakkarnir úr 2. bekk voru í 
heimilisfræði að læra  um mikilvægi
þess að hugsa vel um tennurnar sínar 
og hollustu grænmetis og ávaxta.  
Þau enduðusvo tímann með því að búa 
til þessa fínu grænmetiskarla.

 

  
Á föstudaginn var haldinn samvera á sal hjá öllum nemendum skólans.  Jarl mætti með gítarinn og tók nokkur lög með krökkunum sem þau höfðu verið að æfa sig í að syngja.  Tókst þetta frábærlega vel, nemendur og kennarar voru vel með á nótunum og tóku virkan þátt í söngnum. 

Á myndinni má sjá krakkana í unglingadeild ásamt kennurum sem sungu svo kröftuglega að undir tók í skólabyggingunni.  Smelltu hér til að sjá myndir frá yngsta- og miðstigi en ekki var minni áhugi þar.

Grænn skóli:  Þar sem Grunnskólinn í Vestmannaeyjum stefnir á að verða Grænn skóli var ákveðið að þiggja mjólkurvél frá Mjólkursamsölunni.  Í stað þess að vera með mjólkurfernur verður mjólkin látin í könnur og hellt í glös inni í kennslustofum. Kemur mjólkin ísköld og ljúffeng úr könnunni. Við þetta sparast heilmikill pappi og spor í rétta átt fyrir Grænan skóla.

Á myndinni hér til hliðar má sjá mjólkurvélina góðu ásamt Fanneyju skólastjóra og kennurum með ískalda mjólk í bollum.

 

 

 

 

Einnig hefur verið tekin upp sú nýlenda að bjóða nemendum (gegna vægu gjaldi) upp á ávexti seinni part morguns.  Hefur þetta gefist mjög vel að mati kennara.  Gunna Birna í eldhúsinu ásamt skólaliðum sjá svo um að útbúa ávextina á girnilegan hátt fyrir nemendur.

Krakkarnir í 4. DA og 4. JA hafa verið að læra um slysavarnir og skyndihjálp í vetur. Í dag fimmtudag  28. september fengu þau góða heimsók en Vera Björk hjúkrunarfræðingur kom og sýndi þeim hvernig á að nota plástur og
sáraumbúðir og ræddi mikilvægi þess að gæta hreinlætis við meðfreð sára.

Hér má sjá áhugasama nemendur fylgjast með Veru Björk
 Miðvikudaginn 27. september  fór 3. bekkur  í örnefnagöngu . Þessi ferð var farin í sambandi við fjallaþema sem krakkarnir eru búnir að vera að vinna í núna í haust. Veðrið var alveg frábært og nemendur mjög ánægðir með ferðina.
Takk fyrir
 

 

Krakkarnir í 5. bekk héldu videófund í dag með Comeníusarkrökkunum í Englandi. Þau sýndu ensku krökkunum pysjur og steina frá gosinu og sögðu aðeins frá.  Ensku krakkarnir voru mjög áhugasöm enda ekki á hverjum degi sem þau sjá pysjur og hraun.

 

Grill og tiltektardagur Hamarsskóla 24. maí.
Hér eru myndir frá deginum.

Myndir frá Skóladeginum.

 

 

Comeníusar heimsókn

Undanfarna daga höfum við haft góða heimsókn hér í Hamarsskóla.  Kennarar frá fjórum löndum, Englandi, Portúgal, Noregi og Frakklandi hafa verið hér að skoða aðstæður og læra um okkur, hitta nemendur og kennara.  Þau voru mjög ánægð með heimsóknina og fannst eyjan okkar alveg sérstaklega falleg og fólkið hlýlegt.  Nú eru þau farin heim og þar bíða spenntir krakkar að heyra frá kennurunum sínum og fá alla ferðasöguna.   Við þökkum þeim kærlega fyrir komuna.


 

 

Upplestrarkeppni Grunnskólanna

Þriðjudaginn 28. mars var haldin upplestrarkeppni 7. bekkjar á milli Hamarsskóla og Barnaskólans.  Bjartur Týr Ólafsson, Barnaskólanum vann og óskum við honum hjartanlega til hamingju. Í öðru sæti var okkar eigin Guðný Bernódusdóttir, Kristjana Sigurðarsdóttir, Barnaskólanum í þriðja sæti og aukaverðlaun hlaut Kateryna Hlynsdóttir, Hamarsskóla.  Var þetta frábær keppni hjá krökkunum og framtíðar ræðuskörungar þar á ferð. Á myndinni hér til hliðar má sjá Kateryne og Guðnýju.  Til hamingju stelpur, þið eruð flottir fulltrúar Hamarsskóla.

Árshátíð unglinga

Árshátíðin tókst alveg frábærlega vel.  Krakkarnir voru alveg til fyrirmyndar. Skemmtiatriðin voru mjög góð og eigum við fullt af hæfileikaríkum krökkum sem við getum svo sannarlega verið stolt af.   Teknar voru nokkrar myndir sem má sjá hér.

Öskudagur
 

Á Öskudaginn verður frí hjá nemendum í skólanum en þá er starfsdagur kennara.  Krakkarnir í yngstu deildum hafa verið að taka forskot á sæluna og koma í furðufötum í skólann.  Hafa verið hér á göngum beinagrindum, prinsessur og alls konar ofurhetjur.  Hér á myndunum við hliðina má sjá 1.ALS og 3.DA í flottu búningunum sínum.  Vonandi eiga allir ánægjulegan dag á Öskudag.  Sjáumst svo hress á fimmtudaginn 2. mars.

 

 

Kær kveðja

Starfsfólk Hamarsskóla

 

Stríðsárin í Vestmannaeyjum

Nú standa yfir þemadagar á unglingastigi. Þemað er Stríðsárin og áhersla á stríðsárin í Eyjum.  Búið er að skipta krökkunum upp í hópa þar sem þau eru m.a. að breyta unglingaaðstöðunni skv. hernáms tímabilinu, þau búa til mat frá þessu tímabili, þau taka viðtöl við fólk sem var uppi á þessum tíma, búa til leikrit og svo erum við að búa til 2 hljómsveitir sem spila lög frá þessum tíma svo eitthvað sé nefnt.  Rosalega skemmtilegir dagar. Smelltu hér til að sjá myndir.

Útvarpshópur

Útvarpshópurinn fór á Stórhöfða og tók mjög skemmtilegt viðtal við Óskar Sigurðsson vitavörð.  Sagði hann krökkunum m.a. frá hermönnum sem bjuggu á Stórhöfða í seinni heimstyrjöldinni.  Hér á myndinni til hliðar má sjá nemendur ásamt Óskari og Jóni Halli en hann sér um útvarpshópinn ásamt konu sinni Rikke.

 

Tilbreytingadagur hjá yngsta stigi

Fimmtudaginn 23. febrúar var haldinn tilbreytingadagur hjá yngsta stigi.  Krökkunum var skipt upp í hópa og bjuggu þau m.a. til bolluvendi.  Var þetta hinn skemmtilegasti dagur þar sem nemendur jafnt sem kennarar áttu notalegan dag saman. Sjá myndir hér.

 
   

Leikhús - Egill Skallagrímsson

Á dögunum fór miðstig Hamarsskóla í leikhús í Barnaskólann þar sem horft var á leikrit um Egil Skallagrímsson.  Fannst krökkunum þetta mjög skemmtilegt og lifðu sig vel inn í leikritið.  Frábært framtak og vonandi verður meira af svona í boði.

Bingó

Föstudaginn 3. febrúar kl. 17:00-19:00 verður bingó og diskó í unglingaaðstöðunni í Hamarsskóla fyrir 1-3 bekk.  Aðgangseyrir er kr. 200 og er 1 bingóspjald innifalið.  Eftir bingó verður farið í leiki.  Sjoppa á staðnum.

Allir að mæta,
10. bekkur

Foreldrafundum lokið

Foreldrar voru duglegir að mæta á foreldrafundi í Hamarsskóla mánudaginn 23. janúar. Starfsfólk skólans metur mikils þátttöku foreldra í skólastarfinu og þakkar jákvæðar og góðar ábendingar. Samvinna heimilis og skóla er einn af mikilvægustu hornsteinum skólastarfsins sem aldrei er ofmetinn. Kærar þakkir
foreldrar fyrir ykkar framlag.

 

Starfsfólk Hamarsskóla.
 


 

 

 

 


Jólaföndurdagur  Hamarsskóla

   Undanfarin ár hafa nemendur í Hamarsskóla föndrað saman einn dag á aðventunni og í ár ætlum við að gera þetta fimmtudaginn 15. desember frá kl. 8 – 12:15. Kennsla verður samkvæmt  stundarskrá eftir hádegi. Gott væri ef nemendur kæmu í skólann þennan dag vel búin föndurdóti s. s. skærum, lími, renningum, skrautpennum, límmiðum o.fl. sem gæti hentað. Athugið að þeir nemendur sem völdu eftirtaldar stöðvar þurfa að hafa með sér eftirtalda hluti:

Stöð 3 – þræðistöð , pallíettur og tölur.
Stöð 5 –  jólasveinar, klemmur og eða kanilstangir.
Stöð 9 – kertaskreytingar, kerti og ýmislegt skraut.
Stöð 11 – mála piparkökur, 4 – 6 (eða fl.)  piparkökur (nem. fá líka í skólanum).
Stöð 12 – endurunnið jólaskraut, jólakúlur (nýjar/gamlar), íspinnaspýtur, afgangs jólapappír, gömul jólakort og ónýtar ljósaperur.
Til að fá nánari upplýsingar um hvert föndur fyrir sig smellið hér

Sjáumst hress og kát á föndurdegi  í Hamarsskóla.

Starfsfólk

 

Hádegisfundur hjá 6.JA
 

Föstudaginn 2 desember var foreldrum í 6. JA boðið til hádegisverðarkynningu á sal skólans.
Nemendur héldu kynningu á verkefnum sem þau höfðu verið að vinna í samfélagsfræði og stóðu sig mjög vel.  Verkefnin voru annars vegar um Snorra Sturluson og hins vegar um miðaldir.
Í lokin buðu nemendur upp á safa og smákökur sem var kærkomið í jólaamstrinu.

Þökkum fyrir góða mætingu.

Jóhanna og 6. JA
 

 

 

Samræmd próf í 4. og 7. bekk.

Niðurstöður samræmdra prófa í 4. og 7. bekk hafa borist skólanum og verið sendar heim með nemendum. Í 4. bekk var meðaleinkunn skólans í stærðfræði 6.4, á Suðurlandi var meðaltalið 6.5 og 6.8 yfir landið . Í íslensku var meðaleinkunn skólans 6.6 , á Suðurlandi 6.5 og 6.9 yfir landið.  Í stærðfræði var hæsta einkunn í skólanum 9.5 og í íslensku var hæsta einkunnin 8.5  Í 7. bekk var meðaleinkunn skólans í stærðfræði 6.1, á Suðurlandi 6.5 og á landinu 6.9. Í íslensku var meðaleinkunn skólans 7.0, á Suðurlandi 7.0 og á landinu 7.3. Í stærðfræði var hæsta einkunn í skólanum 10 og í íslensku var hæsta einkunn 8.5.

Í 7. bekk eru nemendur  góðri í framför frá 4. bekk. Í stærðfræði sýna 9nemendur umtalsverðar eða meiri framfarir en almennt gerist hjá jafnöldrum, 2 minna en almennt gerist  og 22 í meðallagi. Í íslensku sýna 6 nemendur umtalsverðar eða meiri framfarir en almennt gerist, 2 minna en almennt gerist og 26 í meðallagi.

Til hamingju nemendur, kennarar og foreldrar. HM
 

Eldvarnarvika 3. bekkur

Við í 3. bekk fórum í heimsókn á Slökkvistöðina 1. des. og fengum frábærar móttöku. Eldvarnarvika var í síðustu viku og er nemendum í 3. bekk boðið í heimsókn. Þau eru síðan gerð að brunarvörðum heimilanna. Þau fengu gjafir, s.s. geisladisk í tölvu, viðurkenningarskjal og svo taka þau þátt í getraun og þegar þau skila þá fá þau yddara og slökkviðliðsmerki. Toppurinn á tilverunni var svo að fá far
með slökkviliðsbílunum upp í skóla. Allir brostu út að eyrum

Takk takk Adda og Drífa Þöll.  

Smellið hér til að sjá fleiri myndir
 
 

Hádegisfundur hjá 6.ÍR

Föstudaginn 25. nóv.  var foreldrum 6. ÍR boðið til  hádegisverðarfundar.  Þar var boðið upp á súpu og brauð við góðar undirtektir foreldra.  Nemendur héldu kynningu á verkefnum sem þau höfðu verið að vinna í samfélagsfræði og stóðu nemendur sig frábærlega vel að venju.  Á myndinni hér til hliðar má sjá hluta hópsins ásamt Írisi kennara.

Heimsókn frá rithöfundi

Föstudaginn 10. nóv. fengum við góða heimsókn í Hamarsskóla en þá kom rithöfundurinn Vilborg Dagbjartsdóttir í heimsókn og las úr einni af bókum sínum fyrir yngstu nemendurna.  Var mjög gaman að hlusta á hana og kunnum við henni bestu þakkir fyrir. Hér sjáum við rithöfundinn ásamt Sigurlási Þorleifssyni, aðstoðarskólastjóra.

7. bekkur í heimsókn hjá listamanninum Gauja í Gíslholti

Nú stendur yfir sýning hjá listamanninum Guðjóni Ólafssyni.  Hafa nemendur Hamarsskóla verið dugleg að fara á sýninguna og haft mikla ánægju af.  Við þökkum Guðjóni fyrir að vilja fá okkur í heimsókn og fyrir frábæra sýningu.  Hér til hliðar eru myndir af listamanninum að tala við nemendur úr 7. bekk.
   

1. bekkur fékk plakat frá Leikfélagi Vestmannaeyja
 

Eins og flestum er kunnugt sýnir Leikfélag Vestmannaeyja (LV) barnaleikritið Skilaboðaskjóðuna um þessar mundir.  Krakkarnir í 2. bekk hafa verið að vinna með söguna og gáfu leikfélaginu myndir og sögur sem þau gerðu í sögurammaverkefni þegar þau voru í 1. bekk.  Á myndunum má sjá krakkana ásamt Drífu Þöll kennara og starfsmann LV taka við gjöfum ásamt því sem LV færði krökkunum plaggat í þakklætisskyni.

Hitaveita Suðurnesja í heimsókn

Mánudaginn 24. október komu Ellert Eiríksson og Harpa Sævarsdóttir frá  Hitaveitu Suðurnesja í heimsókn í Hamarsskóla.  Komu þau færandi hendi en þau gáfu öllum krökkum í skólanum vekjaraklukku.  Nú kemur enginn lengur of seint.  Við þökkum kærlega fyrir okkur enda frábært framtak þegar fyrirtæki láta gott af sér leiða við börnin.  Hér til hliðar má sjá Hörpu og Ellert ásamt Halldóru skólastjóra en Ellert og Harpa útskýrðu stuttlega starfsemi Hitaveitunnar ásamt því hvernig vekjaraklukkan virkar.

 

Bekkjarferð 7. bekkjar

Þriðjudaginn 4. október var 7. bekk Hamarsskóla boðið í árlega heimsókn til Vinnslustöðvarinnar í Vestmannaeyjum.  Hafa þeir boðið 7. bekk undandarin ár og var nú engin undantekning.  Sigurgeir Brynjar, framkvæmdastjóri tók á móti hópnum.  Hann sagði frá sögu Vinnslustöðvarinnar og starfsemi.  Var síðan boðið upp á pizzu og gos.  Var þetta hin skemmtilegast ferð í alla staði og þökkum við Vinnslustöðinni og Sigurgeiri Brynjari kærlega fyrir þetta frábæra boð.  Skólastjórinn fékk svo bréf frá Ingibjörgu Finnbogadóttur starfsmanni Vinnslustöðvarinnar þar sem hún hældi krökkunum fyrir kurteisi og erum við að sjálfsögðu mjög ánægð með það.

Barnaóperan Undir drekavæng

5. okt. fóru nemendur í 1-3 bekk á óperusýningu í sal Barnaskólans. Allir höfðu gaman af þessari tilbreytingu.  Nemendur tóku þátt í sýningunni og báru fuglagrímur sem þeir voru búnir að útbúa.  Höfðu þau útbúið hrafna, heiðlóur, æðafugla og lunda. Smelltu hér til að sjá myndir.

 

 

 

Nú er vinavikan búin en við ætlum samt að halda áfram að vera vinir.  Smelltu hér til að sjá myndir frá vinavikunni!

Vinavika Hamarsskóla verður vikuna 19.-23. sept.

Þá er aftur komið að okkar árlegu vinaviku.  Nemendur vinna verkefni sem stuðla að aukinni samkennd og vináttu.  Í ár ætlum við að búa til vinakeðju úr pappírsfígúrum sem verða hengdar upp og úr þeim myndað listaverkið "Vinabönd - hönd í hönd".   Þá verður sameiginleg tilbreyting alla dagana eftirfarandi:


 

 

Mánudagur:  Boladagur
Þriðjudagur:  Höfuðfatadagur
Miðvikudagur:  Sportdagur
Fimmtudagur:  Svuntu- og/eða sokkadagur
Föstudagur:  Tuskudýradagur


Velkomin á skólaárið 2005-2006

Það voru spenntir nemendur og kennarar sem hittust á skólasetningunni í morgun.  Það er alltaf gaman að byrja og er það von okkar skólastjórnenda að veturinn verði ánægjulegur fyrir nemendur sem og starfsfólk skólans.

Við skólasetningu unglingastigs
 


Ef nemendur hafa ekki þegar verið innritaðir í skólann, þá vinsamlega
innritið þá fyrir skólasetningardaginn. Foreldrar athugið að vegna breytinga
á matarfyrirkomulagi í skólanum geta nemendur ekki keypt mat fyrst
skólavikuna. Skólastjóri



 

10. bekkur útskrifaðist 6. júní.  Haldin var útskriftarveisla í Hamarsskóla þar sem veittar voru viðurkenningar fyrir frábæran námsárangur í ýmsum greinum.  Foreldrafélagið veitti verðlaun fyrir bestu meðaleinkunn við lok grunnskóla og hlaut þau verðlaun Tanja Tómasdóttir jafnframt því sem Tanja fékk hæstu einkunn á samræmdum prófum í stærðfræði eða 9.5.  Sparisjóður Vm veitti verðlaun fyrir bestan árangur í íslensku og hlaut þau verðlaun Bjarni Benedikt Kristjánsson.  Danska sendiráðið veitti viðurkenningu fyrir bestan árangur í dönsku og hlaut þau verðlaun Hinrik Ottó Sigurjónsson.  Þá fékk Rakel Ósk Guðmundsdóttir viðurkenningu fyrir frábæran árangur í textílmennt.

 
Smelltu hér til að sjá Ólympíuleikadagana okkar!  
Á skóladegi Hamarsskóla 28. maí voru teknar skóflustungur af nýjum
gervigrasvelli við Hamarsskóla. Skóflustungurnar tóku Sara Rós Einarsdóttir og Ólafur Vignir Magnússon nemendur í 6.SF. Við þetta tækifæri spiluðu félagar úr Litlu Lúðrasveitinni á trompeta undir styrkri stjórn Hjálmars Guðnasonar. Guðmundur ÞB Ólafsson gerði grein fyrir verkinu, Ólafur Elísson afhenti gjafabréf frá Sparisjóði Vestmannaeyja og Halldóra Magnúsdóttir skólastjóri þakkaði fyrir hönd skólans. Áætlað er að völlurinn verði tilbúinn í haust, en hann er kostaður af KSÍ, Vestmannaeyjabæ og Sparisjóði Vestmannaeyja og er liður í því að auka knattspyrnuiðkun ungs fólks í Vestmannaeyjum.

 

 

  
   

 

Grilldagur Hamarsskóla
Grilldagur Hamarsskóla var í dag 27. maí.  Smelltu hér til að sjá myndir.

Starfsfræðsludagar 8. og 9. bekkjar
Smelltu hér til að sjá myndir

Skólaferðalag 10. bekkjar


Sýnt verður frá ferðinni á skóladeginum sem hefst á morgun kl. 13:00 í Íþróttahúsinu með danssýningu. Skólinn opnar kl. 14:00.

 

Heimsókn 7. bekkja í Vinnslustöðina

18. maí sl. var 7. bekk boðið í heimsókn í Vinnslustöðina hf. í Vestmannaeyjum.  Er þetta 3ja árið sem Vinnslustöðin býður 7. bekk úr Hamarsskóla.  Hafa þessar heimsóknir gengið mjög vel og nemendur verið kennurum og Hamarsskóla til sóma.  Hér að ofan sjáum við framkvæmdastjórann Sigurgeir Brynjar segja nemendum frá starfsemi Vinnslustöðvarinnar. Á eftir var svo boðið upp á pizzu og gos við mikla hrifningu nemenda að sjálfsögðu.  Við þökkum Vinnslustöðinni fyrir þetta skemmtilega framtak.

Skólaferðalag10. bekkjar

 23. – 25. maí.

Mæting í Herjólf  7:45, mánudag 23. maí. Þeir sem verða í bænum hitta hópinn um kl. 12:00 á Essó-bensínstöð upp á Höfða. Þegar allur hópurinn hefur skilað sér verður lagt af stað til Varmahlíðar  í Skagafirði. Þangað ættu menn að koma um kl. 16:00 með stoppi í Borgarnesi. Haldið verður til í Varmahlíð fram til miðvikudagsins 25. maí. Komið verður heim með seinni ferð Herjólfs um kl. 22.30.  
Tekist hefur að fjármagna ferðina að mestu en þó þarf hver nemandi að borga 1000 kr. ( greiðist fyrir brottför ). Einnig borgar hver nemandi fyrir sig í Herjólf ( einingar ).

Það sem þarf að taka með sér:  Hlífðarfatnaður, íþróttafatnaður, hanskar/vettlingar, góður skófatnaður, svefnpoki/sæng-rúmföt, handklæði, sundföt og aðra nauðsýnlega hluti.

Hægt er að hafa með sér smá nesti ( ekki nauðsýnlegt, fæði er innifalið og einnig er verslun mjög nálægt Farastjórar:    Ólafur Lárusson, Guðný Kristjánsdóttir

Skólaferðalag hjá 5. ÍR og 5. JA

 
Mánudaginn 9. maí lögðum við land undir fót og fórum í höfuðborgina.  Ferðin
var farin til að heimsækja Þjóðminjasafnið og Rafheima, minjasafn Orkuveitu
Reykjavíkur.  Ferðin var í allastaði vel heppnuð og allstaðar tekið vel á
móti okkur.  Nemendur voru sjálfum sér og Hamarsskóla til sóma og eiga
skilið hrós fyrir.  Á Skóladaginn 28. maí verður myndasýning frá ferðinni í
stofu 4.
 


 

 

Sóli , Rauðagerði og Kirkjugerði í heimsókn í 1. bekk

Nemendur í skólahópum leikskólanna komu í heimsókn til okkar í dag, 28. apríl. Nemendur í 1. bekk tóku á móti þeim og var mikið fjör og mikið gaman.  Greinilegt að leikskólahópurinn er tilbúinn til að mæta í skólann í haust og hlökkum við til að fá þau til starfa.  Sjá fleiri myndir hér

 

 

Tilkynning frá Menntamálaráðuneytinu:  Vegna þeirrar röskunar sem orðið hefur á skólahaldi í grunnskólum haustið 2004 hefur menntamálaráðuneytið ákveðið breyttar dagsetningar vegna samræmdra lokaprófa í 10. bekk grunnskóla 2005.  Vinsamlegast athugið að röð prófanna hefur einnið að nokkru leyti verið breytt frá því sem áður var tilkynnt.

Prófgreinar og prófdagar í 10. bekk grunnskóla vorið 2005 verða sem hér segir:

Íslenska mánudagur 9. maí kl. 9:00-12:00
Enska þriðjudagur 10. maí kl. 9:00-12:00
Stærðfræði fimmtudagur 12. maí kl. 9:00-12:00
Danska föstudagur 13. maí kl. 9:00-12:00
Samfélagsfræði þriðjudagur 17. maí kl. 9:00-12:00
Náttúrufræði miðvikudagur 18. maí kl. 9:00-12:00

Ákvörðun þessi er tekin í samráði við Námsmatsstofnun sem sér um framkvæmd prófanna.

Comenius:  Miðvikudaginn 20. apríl héldu Halldóra og Sæfinna áleiðis til Azoreyja á Comeníusarfund.  Hamarsskóli ásamt skólum í Noregi, Frakklandi, Englandi og Portúgal eru hluti af Comeníusar samstarfi.  Krakkarnir í 3ja bekk Hamarsskóla eru þátttakendur og er þetta fyrsti veturinn af þremur.  Hefur þetta tekist mjög vel og virkilega áhugavert bæði fyrir kennara og nemendur.  Við óskum þeim góðrar ferðar.

 

Bekkjarferð:  7. bekkur Hamarsskóla lagði af stað í 5 daga bekkjarferð í morgun. Er ferðinni heitið norður að Reykjum í Hrútafirði.  Þar vinna þau fjölbreytileg verkefni þar sem lögð er áhersla á samvinnu og samstarf nemenda og kennara.  Þau fara m.a. í fjöruferðir, heimsókn á byggðasafn, kynnast landbúnaði, stunda íþróttir og útiveru.  Óskum við þeim góðrar ferðar og hlökkum til að sjá myndir úr ferðinni sem verða settar hér á síðuna okkar í næstu viku.

 

Hamarsskóli vann fjórfalt

Upplestrarkeppni grunnskólanna fór fram í gær 11. apríl.  Hamarsskólakrakkarnir gerðu sér lítið fyrir og unnu fyrstu fjögur sætin.  Í fyrsta sæti, Kristinn Pálsson, í öðru sæti Sædís Birta Barkardóttir, í þriðja sæti Brynjar Þrastardóttir og fjórða sæti Birgitta Ósk Valdimarsdóttir.   Hér sjást þau fyrir ofan ásamt kennurum sínum Guðrúnu og Þóru. Skólastjóranum Halldóru Magnúsdóttur og íslenskufræðingnum Baldri Sigurðssyni.  Stóðu krakkarnir sig frábærlega vel og erum við að sjálfsögðu mjög stolt af þeim. Til að heyra þau lesa er hægt að smella á myndirnar af hverju og einu hér fyrir neðan.

Kristinn

Sædís

Brynja

Birgitta

Tónlist fyrir alla

          
Þann 11. apríl var Syngjandi skóli-Tónlist fyrir alla í Hamarsskóla.  Magnús Kjartansson ásamt Jóni Rafnssyni og Jóhanni Hjörleifssyni spiluðu og sungu fyrir og með nemendum.  Tilgangur verkefnisins er að auka sönggleði hjá börnum og stuðla um leið að því að nemendur á grunnskólaaldri læri fleiri íslensk lög og ljóð.  Nemendur sungu í aldursblönduðum hópum, yngri sungu 3 lög fyrir eldri og eldri sungu 4 lög fyrir yngri.

 

Upplestrarkeppni Hamarsskóla


Í keppninni munu nemendur í 7. bekk sem valdir hafa verið úr hvorum skóla, lesa brot úr skáldverki og ljóð.  Að lokum mun dómnefnd velja þrjá bestu upplesarana og veita verðlaun.  Skáld keppninnar að þessu sinni eru Guðrún Helgadóttir og Jóhannes úr Kötlum.

 

Fimmtudaginn 31. mars  var haldin upplestrarkeppni í Hamarsskóla hjá 7. bekk.  Er skemmst frá því að segja þeir krakkar sem tóku þátt stóðu sig öll mjög vel og erfitt að velja milli þeirra.  En 6 voru valin að þessu sinni og munu þau keppa við Barnaskólann síðar í þessum mánuði.

 

Fulltrúar Hamarsskóla í upplestrarkeppninni árið 2005.

Viðhorfskannanir

Allt er þá að þrennt er,fernt þá er full reynt!
Á foreldrafundardeginum fengum við góða svörun frá foreldrum nemenda í 4.,7. og 10. bekk. Nemendur þessara bekkja svöruðu viðhorfakönnunni í skólanum. Á næstu dögum fá foreldrar niðurstöður sendar heim.
Háskólinn á Akureyri er að ljúka sinni úttekt á skólunum í Eyjum og er niðurstaðna að vænta í apríl.
Olweusar könnunni er lokið og vonandi tekst að kynna niðurstöður fljótlega eftir páska.
Í dag fimmtudaginn 24.febrúar fór eitt bréfið enn heim til foreldra og nú frá Rannsóknum og greiningu. Þessi könnun er árleg og kannar m.a. líðan og hagi ungmenna á Íslandi.

HS.24. 02 2005

 

Unglingastig- Danskir dagar
04.02.2005 - Eva

Nú er komið að þemadögum sem að þessu sinni verða danskir dagar. Nemendur eru búnir að velja sig í 7 hópa sem eru Eftirfarandi: Íþróttahópur, skreytingahópur, videóhópur, tónlistarhópur, listahópur, leiklistarhópur og dönsk matargerðarlist. Höfum við fengið til liðs við okkur nokkra sérfræðinga á sínu sviði úr bæjarfélaginu sem verða okkur til halds og trausts og gæða starfið nýjum víddum. Þetta eru þeir Högni Hilmisson sem er með tónlistarhópinn, Andrés Sigmundsson bakari en hann hjálpar til við að töfra fram danska rétti sem við gerum góð skil á dönsku kaffihúsi niðri í unglingarými. Þórður Svansson listamaður, en hann er með listahópnum. Jóhann Guðmundsson, frá féló en hann er með videóhópinn. Frábært að fá alla þessa aðila inn í skólann.

Prufa